Амалга оширилаётган ислоҳотлар ва Давлатимиз томонидан экспортга қаратилаётган эътибор ўз самарасини бермоқда. Жумладан, Сурхондарё вилояти божхона бошқармаси “Термиз” ташқи иқтисодий фаолият божхона пости орқали жорий йилнинг 7 ойи давомида қиймати  85,1 миллион АҚШ долларига тенг бўлган 102,4 минг тонна товарлар экспорти  расмийлаштируви амалга оширилган.

Экспорт қилинган маҳсулотлар асосан қуйидагиларга тўғри келади:

- Ип-калава маҳсулоти экспорти 18,7 миллион АҚШ доллар (умумий экспортнинг 21,9 фоизи);

-  Ловия маҳсулоти экспорти 29,2  миллион АҚШ доллар (умумий экспортнинг 34,3 фоизи);

- Мош маҳсулоти экспорти 9,3 миллион АҚШ доллар (умумий экспортнинг 10,9 фоизи);

- Пиёз маҳсулоти экспорти  3,4  миллион АҚШ доллар (умумий экспортнинг 4 фоизи);

- Карам маҳсулоти экспорти 3,1  миллион АҚШ доллар (умумий экспортнинг 3,6 фоизи);

- Кўкат маҳсулоти экспорти 3,3  миллион АҚШ доллар (умумий экспортнинг 3,9 фоизи);

- Помидор маҳсулоти экспорти 2,0  миллион АҚШ доллар (умумий экспортнинг 2,4 фоизи).

Жорий йилнинг 7 ойи мобайнида мазкур пост орқали расмийлаштирув амалга оширилган экспорт асосан  Хитой Халқ Республикаси, Афғонистон Ислом Республикаси, Россия Федерацияси ва Покистон Ислом Республикаси каби мамлакатлар ҳиссасига тўғри келади.

“Термиз” ташқи иқтисодий фаолият божхона пости томонидан экспорт қилинаётган товарларнинг божхона расмийлаштируви куннинг исталган вақтида, қисқа фурсатларда карантин қоидаларига тўлиқ риоя қилган ҳолда амалга оширилмоқда.

Тадбиркорлар томонидан товарларнинг божхона расмийлаштируви учун ҳужжатлар электрон тарзда божхона постларига жўнатилмоқда. Божхона органларида хавфни бошқариш тизими орқали божхона юк декларациялари “яшил”, “сариқ” ва “қизил” йўлакларга йўналтирилмоқда. Экспорт қилинаётган товарлар инсон омили аралашувисиз “яшил” ва “сариқ” йўлакларга йўналтирилиб, қисқа фурсатларда божхона расмийлаштирувидан ўтказилмоқда.