Бухоро вилояти божхона бошқармаси Контрабандага қарши курашиш ва божхона аудити бўлими ходимлари ҳуқуқни муҳофаза қилувчи бошқа идоралар билан ҳамкорликда симоб моддасининг ноқонуний савдосига қарши тезкор тадбир ўтказди.

Тадбир давомида фуқаро С.О. ўз яшаш хонадони ёнида “шартли харидор”га 540 грамм симоб моддасини ноқонуний тарзда сотаётган вақтида ашёвий далиллар билан қўлга олинди.

Ҳозирда ҳуқуқбузар С.О га нисбатан суд қарорига мувофиқ жарима жазоси тайинланди ва олинган симоб моддаси мусодара қилинди.