Жумладан, Тошкент шаҳар божхона бошқармаси Контрабандага қарши курашиш ва божхона аудити бўлими ходимлари томонидан юртимизда фаолият олиб бораётган масъулияти чекланган жамиятлардан бирининг номига  “Чуқурсой техник идора” чегара божхона пости орқали кириб келган контейнер белгиланган тартибда божхона кўригидан ўтказилди.

Божхона кўриги натижасида, йўл юк-кузатув ҳужжатлари ҳамда божхона юк декларациясида кўрсатилмаган, умумий қиймати 1 млрд. 366,1 млн. сўмлик  4910 дона “енгил автомобиллар учун шиналар” борлиги аниқланди.

 Дастлабки ҳисоб-китобларга кўра, аниқланган товар-моддий бойликлар учун 759 миллион сўм миқдорида божхона тўловлари ҳисобланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.