Хорижга турли мақсадларда кетган фуқароларимиз ўз юртларига қайтмоқдалар. Фуқаролар саломатлиги, хавфсизлиги учун божхона органлари томонидан, чегара божхона постларда барча шарт-шароитлар яратилган.

Шунингдек, Тошкент вилояти божхона бошқармаси тасарруфидаги барча божхона постларида тегишли ташкилот вакиллари билан ҳамкорликда мунтазам махсус техникалар ёрдамида дезинфекция ишлари олиб борилмоқда. Бундан ташқари ходимлар саломатлиги қатъий назоратга олиниб, улар тепловизор ҳамда тана ҳароратини ўлчаш воситаси орқали тиббий кўрикдан ўтказилган ҳолда хизматга киришмоқдалар.

“Ғишткўприк” чегара божхона постида ҳам юқорида келтирилган барча шарт-шароитлар яратилган бўлиб, фуқаролар ўтиш вақтида ходимларга махсус комбинезон, қўлқоп, ниқоб, ҳимоя кўзойнаги каби воситалар билан таъминланмоқда.