Қашқадарё вилоят божхона бошқармаси Контрабандага қарши курашиш ва божхона аудити бўлими ходимлари Давлат хавфсизлик хизмати билан ҳамкорликда  гиёҳвандлик воситаларининг ноқонуний айланмасига қарши Шаҳрисабз шаҳрида тезкор тадбир ўтказишди.

Тадбир давомида фуқаро Р.Р. 13 дона “Спички” ёзувли гугурт қутиларига жойланган гиёҳвандлик воситаларини шартли харидорга сотаётган вақтида ашёвий далиллар билан қўлга олинди.

Экспертиза хулосаларига кўра, ашёвий далил сифатида олинган гиёҳвандлик воситалари 41,5 грамм оғирликдаги “марихуана” гиёҳвандлик воситаси эканлиги маълум бўлди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.