Жумладан, Тошкент вилояти божхона бошқармаси “Ойбек” чегара божхона пости ходимлари томонидан фуқаро А.Ю. бошқарувида бўлган “DAF” русумли автотранспорт воситаси ўрнатилган тартибда божхона кўригидан ўтказилди.

Натижада, автоулов кабинаси ичида божхона назоратидан яширилган, ҳеч қандай ҳужжатлари бўлмаган умумий қиймати салкам 33,5 миллион сўмлик 708 дона парфюмерия воситаларини қўшни мамлакатдан ноқонуний тарзда олиб келинаётганлиги аниқланди.

Ҳозирда ушбу ҳолат юзасидан божхона органлари томонидан суриштирув ҳаракатлари давом эттирилмоқда.