Жумладан, Тошкент вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари Давлат хавфсизлиги хизмати чегара қўшинлари билан ҳамкорликда Тошкент вилояти Бекобод туманида тезкор тадбир ўтказишди.

Тадбир давомида, фуқаро Э.Ў. “Мерседес Бенз Вито” русумли автомашинага юртимизга айланма йўллар орқали олиб келинган, умумий қиймати 337,5 миллион сўмлик жами 22 500 қути тамаки маҳсулотларини ички ҳудудда сотиш мақсадида юклаётган вақтида қўлга олинди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.