Тошкент вилояти божхона бошкармаси “С.Нажимов” чегара божхона постига қўшни мамлакатдан кириб келган, фуқаро Я.Н.  бошқарувидаги “MAN” русумли юк автотранспорт воситаси белгиланган тартибда инспекцион кўрик воситаси ёрдамида кўздан кечирилди.

Натижада, автомашина ярим тиркамасининг эҳтиёт қисмлар учун мўлжалланган қутиси ичида юк кузатув ҳужжатларида кўрсатилмаган, умумий қиймати салкам 72 миллион сўмлик жами 600 дона кийим-кечаклар борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.