- Афғонистон Ислом Республикаси билан – “Термиз”;

- Туркманистон Республикаси билан – “Олот”;

- Тожикистон Республикаси билан – “Саросиё”, “Ойбек” ва “Плотина”;

- Қирғизистон Республикаси билан – “Дўстлик”, “Ўзбекистон”, “Водил”, “Чашма” ва “Оқ қия”;

- Қозоғистон Республикаси билан – “Доут-ота”, “Гулистон”, “Яллама”, “Зангиота” ва “Тошкент”.

Коронавирус инфекцияси тарқалишига қарши кучайтирилган тартиб даврида Ўзбекистон Республикаси ҳудудида автомобилда халқаро юк ташувларини амалга оширишнинг Вақтинчалик тартиби тасдиқланди.

2020 йил 30 апрелдан республика ҳудудига кириб келаётган барча юк автотранспорт воситалари ҳайдовчиларидан коронавирус инфекциясига тест анализлари олиниши ва касаллик аниқланмаган тақдирда ҳаракатни давом эттиришга рухсат бериш амалиёти жорий этилди.

Бунда, халқаро ташувларни амалга ошираётган ҳайдовчилар фақатгина махсус комбинезон, бир марталик ҳимоя ниқоблари ва қўлқоплардан фойдаланган тақдирда ҳаракатни давом эттириши мумкинлиги белгилаб қўйилди.

Эндиликда чегарага энг яқин жойларда (тест топшириш ва натижасига қадар кутиб туриш учун) махсус автотураргоҳлар, шунингдек экспортга юк олиш учун кутишга мўлжалланган автотураргоҳлар ташкил этилди.

Давлат божхона қўмитаси томонидан автотранспорт воситалари ҳаракатланиши, тўхтаб туриши (автотураргоҳ, техник ва маиший хизмат кўрсатиш ва ҳ.к.), озиқ-овқатларни харид қилиш мумкин бўлган жойлари кўрсатилган йўналишлар чизмаси ишлаб чиқилди.

икки ой муддатда эса халқаро автотранспорт воситалари ҳаракатланишини кузатиш (GPS-трекер) тизимини жорий этиш юзасидан Вазирлар Маҳкамасига тегишли таклифлар киритилади.

Чет эл автотранспортчилари учун республика ичидаги автотураргоҳлар

Юк машиналари учун трансчегаравий автоулов парклари

Мазкур йўналишлар чизмасида белгиланган маршрутдан четга чиқиш ҳамда ҳимоя воситаларисиз ҳаракатланиши - карантин қоидаларини бузиш сифатида баҳоланиб, чоралар кўрилади.

Ҳурматли ташқи иқтисодий фаолият қатнашчилари ва халқаро юк ташувлар билан шуғулланадиган тадбиркорлар!!!

Юқоридагиларни инобатга олиб, экспорт божхона юк декларациялари (йўл кузатув ҳужжатлар)ни расмийлаштиришда товарларни олиб чиқиш чегара божхона постлари белгиланишига алоҳида эътибор қаратишингизни сўраймиз.