Бундан ташқари, жорий йилнинг якунига қадар экспорт географиясини ва экспорт қилинадиган маҳсулотлар сонини кўпайтириш режалаштирилган.

Ҳозирги шароитда ташқи иқтисодий фаолият иштирокчиларини ҳар томонлама қўллаб-қувватлаш, уларга божхона расмийлаштирувида яратилган қулайликлардан самарали фойдаланишлари учун ҳамда вилоятда экспорт ҳажмини янада ошириш борасида вилоят божхона бошқармаси ходимлари туну-кун хизмат олиб бормоқда.

Хусусан, хориждан келаётган ва хорижга жўнатилаётган юклар йўлда тўхтаб қолган пайтда амалий ёрдам кўрсатиш учун Самарқанд вилояти божхона бошқармаси томонидан “Call-center” ташкил этилган. Ушбу “Call-center”га бириктирилган масъул ходимлар 24 соат давомида мурожаатларга ечим топиб, муаммоларни ўз вақтида бартараф этишмоқда.

Фурсатдан фойдаланиб эслатиб ўтамиз, тадбиркорлар ва жисмоний шахсларнинг иқтисодий манфаатларини ҳимоя қилиш мақсадида вилоят божхона бошқармасининг (66-233-63-00) рақамли “Ишонч телефони” фаолият олиб бормоқда.