Жумладан, Тошкент шаҳар божхона бошқармасининг “Бош почтампт” ташқи иқтисодий фаолият божхона пости ходимлари томонидан хориждан фуқаролар Н.В., М.Ф. ва В.Э. номига келган почта жўнатмалари божхона назоратидан ўтказилганида, божхона декларациясида кўрсатилмаган, таркибида психотроп моддаси мавжуд бўлган 20 дона “Zopiclon ratiopharm”, 20 дона “Rokacet caplets” ва 50 дона “Dexamol Cold” номли дори воситалари борлиги маълум бўлди.
Шунингдек, фуқаро С.Ш. номига келган почта жўнатмасида 7 дона “Каннабис” ўсимлигининг уруғлари яширилганлиги аниқланди.
Ҳозирда юқоридаги ҳолатлар юзасидан божхона органлари томонидан суриштирув ҳаракатлари давом эттирилмоқда.
20.03.2020