Унга кўра эндиликда жисмоний шахслар ҳам металл парчаларини эркин нархларда “Ўзметкомбинат” ва “Ўзиккиламчиранглиметалл” акционерлик жамиятларига топширишлари мумкин.
Шунга қарамай, айрим фуқаролар томонидан рангли ва қора металлнинг нафақат парчалари ва чиқиндиларини, балки таркибида рангли металлар бўлган тайёр маҳсулотларни республикамиздан ноқонуний равишда олиб чиқиб кетиш ҳолатлари кўзга ташланмоқда.
Яқинда Наманган вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари томонидан рангли металл парчаларининг ноқонуний айланмасига доир қонунбузарлик ҳолати фош қилинди.
Поп туманида ўтказилган тезкор тадбир давомида фукаро М.Г. бошкарувида бўлган “Ласетти” русумли автомашина холислар иштирокида кўздан кечирилганида, унда салкам 12,4 млн. сўмлик 662 кг мис рангли металл парчалари ноқонуний равишда олиб кетилаётганлиги аниқланди.
Қонунбузарликни илдизи билан бартараф этиш мақсадида олиб борилган қўшимча тезкор-қидирув ва суриштирув ишлари давомида Уйчи тумани ҳудудида фуқаро Д.З.нинг яшаш хонадони белгиланган тартибда ва холислар иштирокида кўздан кечирилганида, ҳовлида қиймати 9,6 млн. сўмлик 2 турдаги рангли металл парчалари, хусусан 446 кг. мис ва 191 кг. латун рангли металл парчалари кейинчалик четга олиб чиқиш мақсадида ноқонуний равишда сақланаётганлиги аниқланди.
Ҳозирда мазкур ҳолат юзасидан текширув ҳаракатлари давом эттирилмоқда.
Наманган вилояти
божхона бошқармаси
Ахборот хизмати
26.08.2018