Ушбу йўналишдаги ишларда божхона органлари ҳам фаол иштирок этишмоқда.

Хусусан, “Тошкент-АЭРО” ихтисослаштирилган божхона комплексида ҳам шахсий таркиб ўртасида юқори малакали мутахассисларни жалб қилган ҳолда давра суҳбати ўтказилди.

Тадбирда сўзга чиққан Республика Маънавият ва маърифат маркази эксперти, юридик фанлар доктори Феруза Мухитдинова давлатимиз раҳбарининг 2020 йил 24 январда Олий Мажлисга йўллаган Мурожаатномасида ҳам коррупциянинг хавфли иллат эканлигини алоҳида таъкидлаб ўтганлиги ва бунга қарши курашишда барча бирдек масъул эканлиги эслатиб ўтди.

Йиғилиш сўнгида бошқарма ходимлари хизмат ва ижро интизомига қатъий риоя қилишлари, ҳалол ва пок хизмат олиб боришлари, ҳамда Давлат божхона хизмати органлари ходимларининг одоб-ахлоқ қоидаларига қатъий риоя қилишлари юзасидан тушунтиришлар берилди.