Жумладан, Наманган вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари ҳуқуқни муҳофаза қилувчи бошқа органлар билан ҳамкорликда Чортоқ туманида тезкор тадбир ўтказишди.

Тадбир давомида фуқаро Х.Ю.нинг яшаш хонадони холислар иштирокида ўрнатилган тартибда кўздан кечирилди. Натижада ушбу шахснинг яшаш хонадонидаги “Жигули” русумли автомашинада тегишли ҳужжатлари бўлмаган умумий қиймати 49,8 миллион сўмлик 4980 дона қадоқдаги тамаки маҳсулотлари ноқонуний равишда сақланиб келинаётганлиги аниқланди.

Ҳозирда юқоридаги ҳолат юзасидан божхона органлари томонидан суриштирув ишлари давом эттирилмоқда.