Жумладан, Сурхондарё вилояти божхона бошқармасида ҳам “Спорт – соғломлик манбаи” шиори остида божхона постларида ва бошқарма аппаратида хизмат олиб бораётган хотин-қизлар ўртасида спорт мусобақалари бўлиб ўтди.

Ташкил этилган спорт тадбирлари “8 март – Халқаро хотин-қизлар куни”га бағишланди. Унда 20 нафарга яқин божхоначи ва эркин ёлланган хотин-қизлар қатнашишди. Нозик ҳилқат вакилалари спортнинг баскетбол, шашка ва стол тенниси турлари бўйича ғолиблик учун баҳслашдилар. Мусобақада фахрли ўринни эгаллаганлар диплом ва эсдалик совғалари билан тақдирланиб, вилоят ҳуқуқни муҳофаза қилувчи органларда хизмат фаолиятини олиб бораётган хотин-қизлар ўртасида ўтказиладиган спорт мусобақаларига йўлланмани қўлга киритдилар.