Жумладан, Навоий вилояти божхона бошқармаси ходимлари ҳуқуқни муҳофаза қилувчи бошқа идора вакиллари билан ҳамкорликда Навоий шаҳрида ўтказилган тезкор тадбир давомида гиёҳвандлик моддаларининг ноқонуний айланмасига чек қўйилди.

Ўтказилган тезкор тадбирда фуқаро Т.К. холислар иштирокида текширилганида, устки кийимининг чап чўнтагидаги сигарета ва гугурт қутисига, ҳамда ҳамёни ичидаги купюрага марихуана гиёҳвандлик моддалари яширилганлиги фош этилди.

Шундан сўнг, мазкур гиёҳванд моддалари электрон тарозида ўлчанганда уларнинг умумий оғирлиги 10 граммга тенг эканлиги аниқланди.

Ҳозирда мазкур ҳолат юзасидан божхона органлари томонидан суриштирув ишлари олиб борилмоқда.