Жумладан, Фарғона вилояти божхона бошқармаси ходимлари ҳуқуқни муҳофаза қилувчи бошқа идоралар билан ҳамкорликда Қўштепа тумани ҳудудида гиёҳвандлик моддаларининг яширин айланмасига қарши тезкор тадбир ўтказишди.

Тезкор тадбир давомида “Сардоба” кўчасида яшовчи фуқаро Т.А.нинг яшаш хонадони тегишли тартибда холислар иштирокида кўздан кечирилди.

Натижада, ушбу шахс ўз яшаш хонадонида оғирлиги 260 грамм бўлган марихуана гиёҳвандлик моддаларини сақлаб келаётганлиги маълум бўлди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.