Хусусан, Бухоро вилояти божхона бошқармасида ҳам шахсий таркиб учун, мазкур мавзуга жиддий ёндашган ҳолда, “Коррупцияга қарши маърифат иммунитетини шакллантириш лозим” мавзусида семинар ташкил этилди.

Ўтказилган тадбирда Бухоро давлат университети миллий ғоя, маънавият асослари ва ҳуқуқ таълими кафедраси ўқитувчиси Д.Гадоев иштирок этиб,  коррупция иллатининг жамият тараққиётига нечоғлик салбий таъсир этиши ва унга қарши  кураш мақсадида  амалга оширилаётган тадбирлар ҳақида батафсил тушунтиришлар берди.

Тадбирда сўзга чиққанлар қонун устуворлигини таъминлаш, коррупцияга қарши қатъий курашиш, институционал салоҳиятни юксалтириш ва кучли демократик институтларни шакллантириш борасида тўхталиб ўтишди.

Ўтказилган тадбирлар давомида божхона ходимлари тадбир иштирокчилари билан  коррупцияга қарши кураш соҳасида ўзаро фикр алмашди.