Ушбу ўқув дарслари давомида барча ҳудудларда хизматни олиб борувчи божхона ходимларини қамраб олиниб ҳуқуқий таълим ва тарбия борасидаги ишлар узвий ва тизимли равишда олиб бориляпти, айниқса божхона ходимларнинг ҳуқуқий тарбиясига салбий таъсир кўрсатувчи омилларга нисбатан ҳуқуқий иммунитетни шакллантириш, коррупция, таниш билишчилик, манфаатлар тўқнашуви холатларига нисбатан муросасизлик муносабатини уйғотиб ҳар бир ходим қонунларга ва одоб-ахлоқ қоидаларига ҳурмат, миллий қадриятларга садоқат ҳиссини уйғотиш ишига комплекс тарзда ёндашилган.
Куни кеча Фарғона вилоят божхона бошқармасида Республика Маънавият ва маърифат маркази вилояти бўлими раҳбари ҳамда Тошкент ахборот технологиялари университети Фарғона филиали ўқитувчилари иштирокида бўлиб ўтган тадбирда ҳам Ўзбекистон Республикаси Президенти Ш.Мирзиёевнинг Ўзбекистон Республикаси Олий Мажлисига Мурожаатномасида белгиланган устувор вазифалар ва қўйилган талаблар барча шахсий таркибга амалий мисолларда тушунтириб берилди.
Вилоят божхона бошқармаси Ўз хафвсизлик гуруҳи ходимлари томонидан эса, айрим ходимларнинг ўз мансабини суистеъмол қилиш ҳолатлари ёки эҳтиётсизлиги оқибатларида содир бўлиши мумкин бўлган хуқуқбузарликлар тўғрисида тушинтирилиб, жорий йил давомида рақамли тенологиялар ёрдамида бугунги куннинг энг оғир иллати коррупция балосини йўқотишда амалга ошириладиган чора тадбирлар тўғрисида қизиқарли маълумотлар берилди.
Бир сўз билан айтганда, қонунларга бўлган ҳурмати шаклланишида бундай ўқув машғулотларининг ҳиссаси катта. Зеро хар бир шахс ўз хуқуқлари ва мажбуриятларини англашлик ва итоат этишлик юксак ҳуқуқий онг намунасидир.
22.02.2020