2019 йил давомида вилоят божхона бошқармаси ходимлари мамлакатимиз ҳудудида пиротехника маҳсулотларининг ноқонуний муомаласига қарши курашиш бўйича тезкор тадбирлар ўтказиб, натижада қиймати 30 миллион сўмдан зиёд, жами 123 мингдан ортиқ пиротехника воситасини далилий ашё сифатида ушлаб қолишган.

Эслатиб ўтамиз, пиротехника буюмларини қонунга хилоф равишда ишлаб чиқариш, мамлакатимизга олиб кириш, ташиш, сақлаш ва сотиш тақиқланган. Бундай ҳаракатлар учун Маъмурий жавобгарлик тўғрисидаги кодекснинг 185-моддаси ҳамда Жиноят кодексининг 250-моддасида тегишли жавобгарлик ва жазо чоралари белгиланган.