Яқинда Тошкент шаҳар божхона бошқармасининг Контрабанда ва божхона қонунчилиги бузилишига қарши курашиш бўлими ходимлари ҳуқуқни муҳофаза қилувчи бошқа идора вакиллари билан ҳамкорликда йирик миқдордаги биологик фаол қўшимчаларнинг ноқонуний айланмасини фош қилишди.

Жумладан, пойтахтимизнинг Чилонзор туманида ўтказилган тезкор тадбир давомида фуқаро А.К. ёнидаги иккита қути ўрнатилган тартибда текширилганида, қутиларда умумий қиймати салкам 124 миллион сўмлик 16 520 дона биологик фаол қўшимчалар борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.