Бу галги учрашув Жиззах шаҳридаги 25-сон “Темурийлар издоши” мактабининг битирувчи ўқувчилари билан ташкил этилди. Тадбир давомида божхона ходимлари ўқувчиларга божхона соҳаси фаолияти ва вазифалари, шу билан бирга божхона институтига кириш учун тегишли талаблар ҳақида тушунчалар беришди.

Суҳбат жараёнида божхона соҳаси ўқувчи ёшларда анчагина қизиқиш уйғотди шекилли, улар томонидан йўллаган бир қанча саволлар ҳам фикримизга далил бўлди. Ўз ўрнида соҳа ходимлари томонидан берилган маълумотлар орқали ёшлар божхона касбига нисбатан етарли тушунча ва кўникмаларга эга бўлишди.