Давра суҳбатини вилоят божхона бошқармаси бошлиғи Т.Саидов кириш сўзи билан очиб, мамлакатимизнинг иқтисодий хавфсизлигини таъминлаш, контрабанда ашёларини кириб келишини олдини олиш, фуқароларимизнинг ҳуқуқ ва эркинликларини ҳимоя қилиш борасида амалга оширилган изчил ва тизимли ислоҳотлар, уларнинг натижалари ҳақида гапириб, ватанпарварлик, фидойилик ва пухта билимга эга бўлиш божхоначи учун зарур эканлиги юзасидан фикр ва мулоҳазаларини билдирди.

Тадбир давомида сўзга чиққанлар бугунги кунда божхона ходимларига Давлатимиз томонидан яратиб берилаётган шарт-шароитларини таъкидлашиб, буларни ўзларининг ҳалол ва самарали хизматлари билан оқлашга ваъда беришди.

Шундан сўнг, бошқарма бошлиғи томонидан ўз хизмат фаолияти давомида ютуққа эришиб келаётган бир гуруҳ ходимларини “Фахрий ёрлиқ” ва эсдалик совғалар билан тақдирланди.