Эзгулик, яхшилик меҳр мурувватга тўла бўлган ушбу байрам барча болажонлар учун алоҳида аҳамиятга эгадир.

Янги йилни янги таасуротлар билан бошлашлари учун вилоят қўғирчоқ театрининг моҳир актёрлари томонидан “Янги йил” томошаси спектакли жажжи томошабинлар учун намойиш этилди.

 “Янги йил” эртак томошаси болажонларга дўстликнинг кўринмас ришталари, дўстлар ҳар қандай вазиятда бирлашиб ёвузлик устидан ғолиб чиқиши ҳақида сўзлайди. Таъкидлаш жоизки бугунги ёш авлод вакилларини эртанги ҳаёт мактабини ўташларида, тенгдошларига намуна бўла оладиган фарзанд бўлиб улғайишларида бундай маънавий озуқаларнинг ўрни беқиёс.

Ўтказилган “Янги йил” спектакли жажжи томошабинларининг кўнгилларига бир олам қувонч улашди.

Ф.Каримов

Андижон вилояти божхона бошқармаси