Жумладан, Тошкент шаҳар божхона бошқармасининг “Келес” темир йўл чегара божхона пости ходимлари томонидан  қўшни давлатдан кириб келган поезд йўловчиларининг қўл юклари божхона назоратидан ўтказилиш чоғида, йўловчилардан бири фуқаро К.Б. 1101 дона  пиротехника воситаларини  вагоннинг юқори қисмида яшириб олиб келаётганлиги фош этилди.

Шунингдек, поезднинг яна бир йўловчиси фуқаро С.А. умумий қиймати 8,4 миллион сўмлик 64 дона стационар ва радиотелефон аппаратларини вагон ўриндиқлари остига беркитиб олиб келаётганлиги аниқланди.

Ҳозирда мазкур ҳолатлар юзасидан божхона органлари томонидан  суриштирув ҳаракатлари давом эттирилмоқда.