Жумладан, Бухоро вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари ҳуқуқни муҳофаза қилувчи бошқа идора вакиллари билан ўтказилган тезкор тадбир давомида опий гиёҳвандлик воситасининг ғайриқонуний айланмасига чек қўйишди.

Ғиждувон туманида ҳаракатланиб кетаётган “Матиз” русумли автомашинада йўловчи сифатида ҳаракатланиб кетаётган фуқаро С.Т. тезкор гуруҳ  вакиллари томонидан белгиланган тартибда назоратдан ўтказилди.

Натижада, ушбу шахс 5,98 граммга тенг бўлган опий гиёҳвандлик моддаларини яширинча олиб кетаётганлиги аниқланди.

Ҳозирда ушбу ҳолат юзасидан божхона органлари томонидан суриштирув ҳаракатлари давом эттирилмоқда.