Лекин, шунга қарамай, тилла ва заргарлик буюмларини белгиланган нормалардан кўпроқ яшириб олиб киришга уринаётганлар ҳамон  учраб турибди.

Хусусан, Бухоро вилоятининг “Олот” чегара божхона постига қўшни давлатдан кириб келган фуқаро Р.М. белгиланган тартибда божхона назоратидан ўтказилди.

Натижада, ушбу фуқаронинг кийимлари орасида декларацияда кўрсатилмаган ҳамда божхона ходимининг оғзаки сўровида маълум қилинмаган 317,8 граммга тенг бўлган аёллар кумуш тақинчоқлари яширилганлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.