Аммо, жорий этилган мазкур тартибларга буйсунмай, нақд ҳорижий валюталарни яширинча олиб чиқишга уринишлар ҳам учраб турибди.

Яқинда Тошкент шаҳар божхона бошқармасининг “Келес” темир йўл чегара божхона пости ходимлари шу турдаги қонунбузарлик ҳолатини аниқлашди.

Жумладан, хорижга кетаётган поезд йўловчиси  фуқаро  Р.А. божхона ходимларининг эътиборини тортгани сабабли амалдаги тартибларга мувофиқ холислар иштирокида шахсий кўрикдан ўтказилди.

Натижада, божхона баённомасида ва божхона ходимининг оғзаки сўрови пайтида маълум қилинмаган белгиланган меъёридан ортиқча бўлган 955 АҚШ долларини кийимлари орасига яшириб олиб кетаётганлиги маълум бўлди.

Ҳозирда юқоридаги ҳолат юзасидан божхона органлари томонидан суриштирув ишлари олиб борилмоқда.