Яқинда Тошкент шаҳар божхона бошқармасининг Контрабанда ва божхона қонунчилиги бузилишига қарши курашиш бўлими ходимлари ҳуқуқни муҳофаза қилувчи бошқа идора вакиллари билан ҳамкорликда  маиший техникалар ҳамда чўғланма лампочкаларнинг ноқонуний айланмасини фош қилишди.

Пойтахтимизда ўтказилган тезкор тадбир давомида, фуқаро У.К.га тегишли “Isuzu”  русумли автомашина тўхтатилиб, белгиланган тартибда божхона кўригидан ўтказилди.

Натижада, автомашина юкхонасида божхона расмийлаштирувидан ўтказилганлигини тасдиқловчи ҳужжатлари бўлмаган, хорижда ишлаб чиқарилган ва умумий қиймати 70,5 миллион сўмлик 6000 дона  чўғланма лампочкалар, 65 дона чангютгич ҳамда 200 дона телевизор учун кронштейнлар борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.