Жумладан, Қирғизистон Республикасидан “Косонсой” чегара божхона пости орқали юртимизга кириб келган фуқаро С.Д.нинг безовталаниши божхона ходимларида бежиз шубҳа уйғотмаган экан.

Белгиланган тартибда ва холислар иштирокида ушбу шахснинг қўл сумкаси кўздан кечирилганида, унда божхона ходимларининг оғзаки сўровида ҳм, йўловчи божхона декларациясида ҳам маълум қилинмаган, қиймати 5,5 млн. сўмлик, хорижда ишлаб чиқарилган 6 дона  уяли алоқа воситалари борлиги аниқланди.

Ҳозирда ушбу ҳолат юзасидан божхона текширувлари олиб борилмоқда.

Эслатиб ўтамиз, 2018 йилнинг 1 июлидан бошлаб, қўшни давлатлардан телефон аппарати, шу жумладан қўл телефонларини божхона тўловларини тўламай, 1 календарь ойида чегарани биринчи маротаба кесиб ўтаётганда фақат 1 донадан олиб ўтилиши мумкин.

Давлат божхона қўмитаси

Ахборот хизмати