Ўз хавсизлик гуруҳи катта тезкор вакили С.Худойназаров ўз маърузасида таъкидлаганидек, ўтган давр мобайнида бошқарма аппарати ва божхона постларида коррупцияга қарши курашиш бўйича жами 46 маротаба йиғилишлар ўтказилган ҳамда ходимлар билан 36 маротаба якка тартибдаги профилактик суҳбатлар олиб борилган.

Бундан ташқари, бошқарма томонидан Ўзбекистон Республикасининг 2016 йил 24 ноябрдаги “Коррупцияга қарши курашиш тўғрисида”ги Қонуни ижросини таъминлаш, соҳада хизмат қилаётган ходимларнинг савияси ва зиммасига юклатилган вазифаларга масъулиятини аниқлаш мақсадида «Жартепа” ва “Самарқанд аэропорти” чегара божхона пости орқали ҳаракатланаётган фуқаролар ўртасида ижтимоий сўровномалар ўтказилди. Унинг натижалари ўрганилиб, аниқланган камчиликларни бартараф этиш чоралари кўрилмоқда.

Таъкидлаш жоизки, бошқарма навбатчилик қисмида (66) 233-63-00 рақамли “Ишонч телефони” мунтазам равишда ишлаб турибди. Унга келиб тушаётган мурожаатларни ўрганиш юзасидан ҳам қатъий назорат ўрнатилган.