Хусусан, Наманган вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари ҳуқуқни муҳофаза қилувчи бошқа орган вакиллари билан ҳамкорликда ўтказган тезкор тадбир давомида Янгиқўрғон туманида товар моддий бойликларини яширинча олиб киришга уринган фуқаро фош этилди.

Тадбир давомида чегара олди ҳудудида ҳаракатланаётган фуқаро Х.А.нинг қўл юклари белгиланган тартибда холислар иштирокида кўздан кечирилди.

 Натижада, унда қўшни мамлакатдан ноқонуний олиб кирилган хорижда ишлаб чиқарилган, тегишли ҳужжатлари бўлмаган умумий қиймати 70 миллион сўмлик кийим-кечаклар борлиги аниқланди.

Ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда.