Хусусан, Навоий вилояти божхона бошқармаси ходимлари ҳуқуқни муҳофаза қилувчи бошқа орган вакиллари билан ўтказилган тезкор тадбир давомида фуқаро Р.Т. тўхтатилиб, белгиланган тарзда кўздан кечирилди.    

Натижада, ушбу шахснинг чўнтакларида гугурт қутисига жойланган, оғирлиги 7 грамм бўлган “марихуана” гиёҳвандлик моддаси борлиги аниқланди.

Навоий шаҳрида ўтказилган яна бир тезкор тадбир давомида, фуқаро Б.Т. шартли харидорга гугурт қутисига яширилган, оғирлиги 6 грамм бўлган “марихуана” гиёҳванд моддасини 400 минг сўм эвазига сотаётган пайтида қўлга олинди.

Ҳозирда мазкур ҳолатлар юзасидан божхона органлари томонидан суриштирув ҳаракатлари олиб борилмоқда.