Жумладан, Тошкент шаҳар божхона бошқармаси “Келес” темир йўл чегара божхона пости ходимлари қўшни давлатлардан кириб келган поезд йўловчиларининг юкларини белгиланган тартибда божхона кўригидан ўтказишди.

Натижада, йўловчи фуқаролар З.Қ. ва М.М.лар умумий қиймати 65,3 миллион сўмлик 100 қути электрон сигаретлар, 150 килограмм суюқ тамаки ва электрон сигарет учун воситалар, жами оғирлиги 445 килограммни ташкил этган озиқ-овқатлар (пишлоқ, қандолат ва балиқ маҳсулотлари), 308 дона соч бўёқлари ҳамда кийим кечакларни вагон ўриндиқлари тагида божхона назоратидан яшириб олиб келаётганлиги аниқланди.

Шунингдек,  яна бир йўналишда кириб келган поезд йўловчиларидан бири фуқаро Н.О.нинг қўл юклари белгиланган тартибда божхона назоратидан ўтказилди.

Натижада, ушбу фуқаро қиймати 4,2 миллион сўмлик 84 дона оптик кўзойнакларни вагон ўриндиқлари остига яшириб олиб келаётганлиги аниқланди.

Шунга ўхшаш яна бир ҳолатда йўловчи поездида келаётган фуқаро Т.А.га тегишли бўлган қўл юклари белгиланган тартибда божхона назоратидан ўтказилди.

Текширув жараёнида ушбу фуқаро томонидан оғзаки сўровда айтилмаган ва декларацияланмаган ҳолда вагон ўриндиқлари тагига беркитиб олиб келинаётган умумий қиймати 50 миллион сўмлик  30 000 дона чой маҳсулотлари борлиги фош этилди.

Ҳозирда юқоридаги ҳолатлар бўйича божхона органлари томонидан суриштирув ҳаракатлари давом эттирилмоқда.