Фуқаро Н.Ю, ҳали қурилиши тугалланмаган иморатлар ичидаги ер майдонида янтоқ ўсимликлари орасига 6 туп каннабис гиёҳвандлик ўсимлигини етиштиришга уринган. Аммо, божхоначиларнинг ҳушёрлиги ва  олиб борилаётган тезкор тадбирлар натижасида мазкур жиноятга ўз вақтида чек қўйилди.

Бухоро вилоят ИИБ Эксперт Криминалистика бўлими мутахассислари ҳам мазкур ўсимликларнинг каннабис эканлигини тасдиқлашди. Шунингдек, ўсимликлар карантини ҳудудий инспекциясининг агрохулосасига биноан ушбу ўсимликларга нисбатан бажарилиши лозим бўлган барча агротехник тадбирлар амалга оширилганлиги ҳамда парвариш қилинганлиги ўз тасдиғини топди.  

Ҳозирда юқоридаги  ҳолат юзасидан фуқаро Н.Юга нисбатан Ўзбекистон Республикаси Жиноят Кодексининг 270-моддаси 1-қисми билан жиноят иши қўзғатилган.

Бухоро вилояти божхона

бошқармаси Ахборот хизмати