Шу муносабат билан, Сурхондарё вилояти божхона бошқармаси, вилоят Туризмни ривожлантириш бошқармаси ва вилоят телевиденияси ҳамкорликда Ўзбекистон Республикасидан “Сариосиё” чегара божхона пости орқали чиқаётган 70 нафар фуқаро билан ижтимоий сўров ўтказилди.
Аслида, сўров орқали чет эл фуқароларига Ўзбекистонда нима манзур бўлганлиги, уларга қандай ноқулайлик бўлганлигиини билиш орқали сайёҳларни жалб этадиган соҳаларни ривожлантириш назарда тутилди. Аксарият хориж фуқаролари Ўзбекистонда ўзини жуда яхши хис этганини, халқи меҳмондўст эканлиги ва яна келиш нияти бор эканлигини билдирган бўлса, яна бир гуруҳ чет эллик фуқаролар эса pеспубликамиз туризм салоҳиятининг нақадар кенглиги юзасидан ўзининг фикр ва мулоҳазаларини баён этишди.
Ижтимоий сўровда қатнашган ҳар бир фуқарога Туризмни ривожлантириш бошқармаси томонидан тайёрланган “Сурхондарё” номли вилоят туризм объектлари тўғрисидаги альбомлар топширилди.
13.09.2019