Тадбирда Марказ шахсий таркиби, фахрийлар, Ўзбекистон Ёшлар иттифоқи Сергели туман Кенгаши ходимлари, меҳмонлар, тингловчиларнинг ота-оналари иштирок этишди. 

Тадбир давомида мамлакатимиз мустақиллигининг йигирма саккиз йиллиги байрами муносабати билан хизмат вазифаларига виждонан ёндашган бир гуруҳ ходимлар Марказнинг фахрий ёрлиқлари, ҳамда эсдалик совғалари билан тақдирландилар.

Миллий кинология маркази директори, божхона хизмати полковниги А.Турсунов тадбир қатнашчиларини “Жонажон Ўзбекистоним, мангу бўл омон!” шиори остида ўтказилаётган ушбу байрам билан муборакбод этиб, барчага тинчлик-хотиржамлик, сиҳат-саломатлик, Ватанимизни янада ривожлантириш йўлидаги ишларида улкан зафарлар тилади.