Хусусан, Қашқадарё вилоят божхона бошқармаси Контрабанда ва божхона қонунчилиги бузилишига қарши курашиш бўлими ходимлари ҳамда ҳуқуқни муҳофаза қилувчи бошқа идора вакиллари билан ҳамкорликда тамаки маҳсулотларининг ноқонуний ҳаракатини олдини олиш бўйича тезкор тадбир ўтказилди.

Тадбир давомида фуқаро Р.Ж. бошқарувидаги “Нексия” русумли автомашина тўхтатилиб, белгиланган тартибда холислар иштирокида кўздан кечирилди.

Натижада,  автомашина юкхонасида  умумий қиймати   10,2 миллион  сўмлик жами 670 қути акциз ва тегишли ҳужжатларга эга бўлмаган тамаки маҳсулотлари борлиги аниқланди.

Ҳозирда мазкур ҳолат юзасидан текширув ишлари олиб борилмоқда.