Жумладан, “Ғишткўприк” чегара божхона постига қўшни давлатдан пиёда ҳолда кириб келган фуқаро К.М.нинг хатти-ҳаракатлари божхоначиларда бежиз шубҳа уйғотмаган экан.

Ушбу фуқаро холислар иштирокида шахсий кўрикдан ўтказилганида, эгнидаги кийимларининг  чўнтагидаги тамаки қутисида 50 дона  “Трамадол” номли таблеткалар борлиги маълум бўлди.

Шунга ўхшаш яна бир ҳолатда. Самарқанд вилояти божхона бошқармаси “Жартепа” чегара божхона постига қўшни мамлакатдан кириб келган фуқаро М.Ж. белгиланган тартибда назоратдан ўтказилди.

Текширув давомида ушбу шахснинг юклари орасида божхона юк декларациясида кўрсатилмаган ва божхоначиларнинг оғзаки сўровида маълум қилинмаган 40 дона “Трамадол” таблеткалари борлиги маълум бўлди.

Ҳозирда мазкур ҳолатлар юзасидан текширув ҳаракатлари давом эттирилмоқда.