Сурхондарё вилояти божхона бошқармаси “Сариосиё” темир йўл чегара божхона пости орқали қўшни давлатдан кириб келган йўловчи поезди белгиланган тартибда божхона назоратидан ўтказилди.

Текширув жараёнида вагонлардан бирида йўловчи сифатида келаётган фуқаро С.С.нинг хатти-ҳаракатлари божхона ходимларининг эътиборини тортди.

Ушбу шахс холислар иштирокида кўздан кечирилганда, унинг чўнтакларидан таркибида наркотик моддаси бўлган “Трамадол 50мг“ номли жами 66 дона таблеткалар борлиги аниқланди.

Ҳозирда юқоридаги ҳолат юзасидан текширув ҳаракатлари олиб борилмоқда.