Ушбу фармоннинг мазмун моҳиятини ҳамда соҳада вужудга келаётган  бир қатор савол ва муаммоларни бартараф этиш мақсадида “Тошкент-АЭРО” ихтисослаштирилган божхона комплексига қарашли “Авиаюклар” ТИФ божхона постида тадбиркорлар, божхона расмийлаштируви мутахассислари ва жамоатчилик вакиллари билан учрашув бўлиб ўтди.

Мазкур учрашувда юқорида келтириб ўтилган фармон билан божхона расмийлаштируви жараёнига киритилган ўзгаришлар, бекор қилинган имтиёзлар ва бошқа масалалар кўриб чиқилди.

Шунингдек, комплекс вакиллари томонидан коррупцияга қарши курашиш борасида олиб борилаётган сиёсат масаласи кўтарилиб, коррупцияга дуч келган ҳолларда Давлат божхона қўмитасининг 11-08 рақамли ишонч телефонига ёки “Тошкент-АЭРО” ихтисослаштирилган божхона комплексининг ишонч телефонига мурожаат этишлари мумкинлиги тушунтириб ўтилди.