Тадбир давомида ҳарбий аэродромда беш турдаги самолётлар ва марказда учувчининг рамзий ҳайкали жой олган мусаффо осмон остидаги очиқ музейининг тантанали очилиш маросими бўлиб ўтди. Шунингдек, тадбир давомида вилоятнинг ўзига хос жиҳатлари акс эттирилган кўргазмалар ва китоб ярмаркалари ташкил этилди.

Қарши шаҳри яқинида жойлашган ушбу аэродромда ҳарбий хизматчилар томонидан амалий парвоз машқлари ўтказилиб, машғулотларда маҳоратли учувчилар, амалий кўникмасини мустаҳкамлаб, миллий армиямиз жанговар шайлиги ва қудратини оширишга ҳамда само сарҳадларимиз мусаффолигини таъминлашга доим жанговор шай эканлигини исботлашди.