Унда вилоят ҳамда марказий оммавий ахборот воситалари вакиллари иштирок этишиб, соҳа фаолияти билан яқиндан танишиш имконига эга бўлишди.

Пресс-тур иштирокчилари божхона органларида кенг қўлланилаётган сўнгги техник воситалар билан яқиндан танишиш мақсадида “Олот” чегара божхона постига ташриф буюришди.

Пресс-тур аввалида, бошқарма бошлиғи Д. Салимов сўзга чиқиб, матбуот ва телевидение ходимларини  давлат божхона хизмати органлари фаолиятига идоралараро ахборот-тизимлари ва интерактив хизматларни жорий этишнинг  аҳамияти билан таништирди ҳамда  божхона органлари ва тадбиркорлик субъектлари ўртасидаги узвий алоқанинг иқтисодиётга қай даражада таъсир кўрсатиши борасида сўзлади.

Шундан сўнг, журналистлар учун тизим мутахассислари томонидан божхона постида мавжуд бўлган ҳар бир техник қурилма ҳақида маълумотлар тақдим этилди.

Тадбир давомида журналистлар божхона кўриги ва назорати жараёнида қўлланиладиган техникалар билан танишибгина қолмай, бевосита уларнинг баъзиларини ишлатиб кўриш имконига ҳам эга бўлишди.

Шунингдек, пресс-тур иштирокчилари божхона постидаги “Порт назорати” хонасининг техник имкониятларини кўздан кечиришди  ва “Rapiscan Eagle M 60” инспекцион кўрик мажмуасининг ишлаш жараёнини кузатишди.

Энг асосийси шу куни бўлиб ўтган тадбирда журналистлар нафақат божхона ишининг сифати ва шаффофлигига холисона баҳо беришди , шу билан бирга божхона пости орқали ҳаракатланаётган тадбиркорлар билан ҳамсуҳбат бўлиш асносида,  экспортни ривожлантиришда божхона органлари муҳим бўғин вазифасини бажараётганликларига яна бир бор гувоҳ бўлишди.