Ёшларни жисмонан чиниқтириш, уларнинг спорт соҳасидаги қобилиятлариини намоён қилишлари учун зарур шароитларни яратиш, оилаларда соғлом турмуш тарзини шакллантириш мақсадида Андижон шаҳридаги “Ёшлар спорт саройи”да ташкил этилган мазкур спорт тадбирида вилоят божхона органларида хизмат олиб бораётган 10 нафар ёш божхоначилар оилалари ўзаро беллашишди.

Кучлилик, тезкорлик, эпчиллик ва чаққонликни намойиш қилувчи ўзаро беллашувлар якунида Шаробиддиновлар оиласи фахрли 1-ўринни қўлга киритишди. Шоҳсупанинг кейинги ўрнини Сотволдиевлар оиласи забт этди. Ортиқовлар оиласи эса 3-ўрин билан кифояланишди.

Тадбир якунида мусобақа ғолибларига Андижон вилояти божхона бошқармаси Касаба уюшмасининг қимматбаҳо совғалари, диплом ҳамда эсдалик медаллари тантанали равишда топширилди.

Эндиликда бу каби мусобақалар мунтазам ўтказиб борилади.

З.Хусанов,

Андижон вилояти

божхона бошқармаси