Жумладан, Тошкент шаҳар божхона бошқармаси “Тошкент-товар” ташқи иқтисодий фаолият божхона пости ходимлари томонидан  пойтахтимизда фаолият юритаётган масъулияти чекланган жамият номига  хориждан темир йўл контейнерида келган юклар белгиланган тартибда божхона кўригидан ўтказилди.

Натижада, божхона юк декларациясида ҳамда  юк кузатув ҳужжатларида кўрсатилганидан ортиқча, 32,2 миллион сўмлик, оғирлиги 161 килограмм бўлган ҳашоротларга қарши воситаларни ишлаб чиқаришда фойдаланиладиган хом ашёси ҳамда целлюлоз толали картон қоғози борлиги  аниқланди.

Шунингдек, “Арк булоқ” ташқи иқтисодий фаолият божхона пости ходимлари декларацияловчи шахс К.А. томонидан хориждан масъулияти чекланган жамият номига келган Пестицидларни сепувчи пульверизатор  товари номи божхона юк декларациясида тўлиқ кўрсатилмаганлиги маълум бўлди. Натижада давлат бюджетига салкам 14 миллион сўм қўшимча божхона тўловлари ундирилди.

 Юқоридаги ҳолатлар юзасидан божхона текширувлари давом эттирилмоқда.