Хусусан, Тошкент вилояти божхона бошқармаси “Яллама” чегара божхона пости ходимлари томонидан қўшни давлатга ўтиш мақсадида келган фуқаро С. Х. бошқарувидаги “Шаньци” русумли юк автотранспорт воситаси белгиланган тартибда божхона кўригидан ўтказилди.

Натижада, юк яримтиркама тагида ясалган хуфиёна жойда қиймати 10 400 000 сўмлик 5 турдаги юк автомашина эҳтиёт қисмлари яширилганлиги маълум бўлди.

Ҳозирда ушбу ҳолат юзасидан божхона текширувлари давом эттирилмоқда.