Хусусан, Наманган вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари ҳамда бошқа ҳуқуқни муҳофаза қилувчи идоралар билан ҳамкорликдаНаманган шаҳрида тезкор тадбир ўтказилди.

Тадбир давомида фуқаро С.Ғ тўхтатилиб, унинг юклари кўздан кечирилганда 9 миллион сўмлик 1514 қути акциз маркасиз тамаки маҳсулотлари борлиги аниқланди.

Шундан сўнг унинг хонадони ҳам белгиланган тартибда холислар иштирокида кўздан кечирилди. Натижада, ушбу хонадондатегишли ҳужжатлари бўлмаган, Ўзбекистон акциз маркаси билан маркаланмаган, 15 миллион сўмлик, 2560 қути тамаки маҳсулотлари борлиги маълум бўлди.

Қонунбузардан умумий қиймати 24 миллион сўмни ташкил этувчи 4074 қути тамаки маҳсулотлари ашёвий далил сифатида олинди.

Ҳозирда мазкур ҳолат юзасидан божхона текширувлари олиб борилмоқда.