Яқинда худди шундай учрашувлардан яна бири Бухоро вилояти божхона бошқармаси Қоровулбозор ташқи иқтисодий фаолият божхона постида ташкил этилди. Унда асосий эътибор, корхоналарнинг ишлаб чиқариш салоҳиятини яхшилаш мақсадида, хориждан олиб келтириш режалаштирилаётган техникаларга божхонадан тақдим этиладиган имтиёзлар ва экспортга амалий ёрдам масалаларига қаратилди.
Шундан сўнг божхоначилар Қоровулбозор туманида фаолият кўрсатувчи “Alfa izvest” корхонасига ташриф буюришиб, бу ердаги ишлаб чиқариш салмоғи билан яқиндан танишишди ҳамда корхонага божхонадан имтиёз қўллаган ҳолда олиб келтирилган янги техникаларни ҳам кўздан кечиришди.
Шу куни бўлиб ўтган тадбирлар давомида, божхона мутасаддилари тумандаги экспортни ривожлантириш имконияти мавжуд бўлган тадбиркорлик субьектларига ташриф буюришиб, экспортёрларга давлатимиз томонидан тақдим этилаётган қулайликларни батафсил тушунтириб боришди.
24.05.2019