Тошкент вилояти божхона бошқармаси “Яллама” чегара божхона постида қўшни давлатдан кириб келган юк автотранспорт воситаларидан бири божхона кўригидан ўтказилганида, унинг кабинасида ҳеч қандай хужжатлари бўлмаган ва оғзаки сўровда маълум қилинмаган 2 турдаги 720 дона пиротехника воситалари яширилганлиги фош бўлди.

Қиймати 580 минг сўмни ташкил қилувчи мазкур пиротехника воситаларининг умумий оғирлиги 1,4 кг.ни ташкил қилар экан.

Ҳозирда мазкур ҳолат юзасидан божхона текширувлари олиб борилмоқда.