Тадбирда Давлат божхона қўмитаси ва Миллий кинология маркази масъул ходимлари, фахрийлар ҳамда тингловчиларнинг ота-оналари иштирок этишди.  

Миллий кинология маркази директори, божхона хизмати полковниги А.Турсунов тадбир қатнашчиларини 9 май – Хотира ва қадрлаш куни муносабати билан муборакбод этиб, “Божхоначи қасамёди”ни қабул қилган ходимларга ота-боболаримизнинг шонли анъаналарини муносиб давом эттириши кераклигини, Ватан ҳимояси йўлида ўзини аямасдан, фидокорона хизмат қилиши лозимлигини уқтирди.

Кўтаринки кайфият асносида ўтган тадбир якунида сўзга чиққан фахрийлар барчага тинчлик-хотиржамлик, сиҳат-саломатлик, Ватанимизни иқтисодий манфаатларини ҳимоя қилиш йўлида хизмат олиб боришлари шарафли бурч эканлиги таъкидлаб ўтишди.